आज प्रधानमन्त्रीले नीति तथा कार्यक्रममाथि उठेको प्रश्नको जवाफ दिने
१२ जेठ, काठमाडौं । प्रतिनिधिसभाको बैठक आज बिहान ११ बजेदेखि संघीय संसद नयाँबानेश्वरमा बस्दैछ । आजको बैठकमा प्रधानमन्त्री पुष्पकमल दाहाल ‘प्रचण्ड’ ले सरकारको नीति तथा कार्यक्रममाथि छलफलका क्रममा उठेका प्रश्नहरूको जवाफ दिने भएका छन् ।
एक साता अघि सरकारले प्रस्तुत गरेको वार्षिक नीति तथा कार्यक्रममाथि त्यस यता निरन्तर जसो सदनमा छलफल हुँदै आएको छ ।संसदमा उठेका प्रश्नको प्रधानमन्त्री पुष्पकमल दाहाल प्रचण्डले आज जवाफ दिने कार्यसूची रहेको संसद सचिवालयले जनाएको छ ।
प्रधानमन्त्री दाहालले प्रतिनिधि सभामा उठेका प्रश्नको जवाफ दिएपछि नीति कार्यक्रम निर्णयार्थ प्रस्तुत गर्ने र पारित गर्ने आजको सम्भावित कार्यसूची रहेको छ ।
राष्ट्रपति रामचन्द्र पौडेलले यही जेठ ५ गते संघीय संसदको दुवै सदनको संयुक्त बैठकमा प्रस्तुत गरेको सरकारको आर्थिक वर्ष ०८०/०८१ को नीति तथा कार्यक्रमलाई राष्ट्रिय सभाले यसअघि नै पारित गरिसकेको छ ।
प्रकाशित मिति : १२ जेष्ठ २०८०, शुक्रबार ०९:००
