भ्रष्टाचारविरूद्ध बिद्रोह आवश्यकः राप्रपा सहायक महामन्त्री बर्तौला

१ असोज, चितवन ।  राष्ट्रिय प्रजातन्त्र पार्टीका सहायक महामन्त्री राजाराम बर्तौलाले मुलुकमा जसले जे गरेपनी जनता चुप लागेर बस्छन् भन्ने मनोबिज्ञानिकले काम गरिरहेको र सत्तासिनहरु विधि र प्रक्रियालाई चुनौती दिदै भ्रष्टाचारमा लिप्त भएको आरोप लगाएका छन् । चितवनको भरतपुरमा पार्टी प्रशिक्षणको उद्घाटन गर्दै बर्तौलाले सत्ता र शक्तिको उन्मादबाट मैमत्त भई ब्रम्हलुटको बाटोमा हिडिरहेको शासकहरुको हिसाब जनताले राख्ने दाबी गरे ।

हिजो देखाईएको क्रान्ती र नयाँ नेपालको सपना , बगाईएको रगत र युबाहरुको बलिदान आज ब्रम्हलुटमा गएर टुंगिएको भन्दै उनले अब जनता जागेर बिकल्पको खोजी गर्नुपर्नेमा जोड दिए । राप्रपालाई मुलुकको बलियो राष्ट्रबादी प्रजातान्त्रिक शक्ति निर्माण गर्न देशभरीका कार्यकर्ताहरु जनताको माझमा जाने पर्ने बर्तौलाको भनाई थियो ।

पार्टी , सिद्धान्त र नेतृत्वप्रती रहेको भ्रम र अफबाहहरुलाई चिरेर उच्च मनोबलको साथ अघि बढन कार्यकर्ताहरुलाई उनले आग्रह गरे ।जिल्ला अध्यक्ष दिलिप पाण्डेको सभापतित्वमा सम्पन्न कार्यक्रममा केन्द्रिय प्रशिक्षक युबराज घिमिरे , मेनुका खाँड केसिले प्रशिक्षण दिएका थिए ।