मुलपानीमा पहिरोले घर पुर्दा एकै परिवारको तीन जनाको मृत्यु, वर्षाबाट मृत्यु हुनेको संख्या ११ पुग्यो
२७ असार, काठमाडाैँ । काठमाडाैँमै पहिरोले घर पुर्दा एकै परिवारका तीन जनाको मृत्यु भएको छ । प्रहरीका अनुसार काठमाडाैँको मुलपानीमा पहिरोले घरपुर्दा एकै परिवारका तीन जनाको ज्यान गएको हो । काठमाडौं प्रहरी परिसर, टेकुका प्रमुख एसएसपी उत्तमराज सुवेदीका अनुसार मृत्यु हुनेमा बारा घर भइ कागेश्वरी मनहरा नगरपालिका, मुलपानी बस्दै आएका नतु यादव, सर्मिला यादव र १० वर्षीय कुन्दन यादव रहेकाछन् ।
उनीहरूको शव अहिले स्काभेटरको सहयोगमा निकाल्ने प्रयास भैरहेको छ । काठमाडौंमा ३ जनाको मृत्यु भएसँगै वर्षाका कारण देशका विभिन्न स्थानमा मृत्यु हुनेको संख्या ११ जना पुगेको छ ।
प्रकाशित मिति : २७ असार २०७६, शुक्रबार १७:१८
