नेपाल राष्ट्र बैंककाे ५ अर्बको रिपो बोलकबोल आजदेखि
२४ माघ, काठमाडौँ । नेपाल राष्ट्र बैंकले बिहीबार ५ अर्ब बराबरको रिपो बोलकबोलबाट बिक्री गर्ने भएको छ । बैंकले बुधबार एक सूचनामार्फत बोकबोल प्रक्रियामा सहभागी हुन ‘क’, ‘ख’ र ‘ग’ वर्गका बैंकलाई आग्रह गरेको छ ।
पछिल्ला दिनमा बैंकले रिपो र ट्रेजरी बिलजस्ता आर्थिक उपकरणमार्फत तरलता प्रवाह गर्न लागेको छ । बिहीबार बोलकबोलबाट बिक्री हुन लागेको ५ अर्ब बराबरको रिपो एक साताका लागि हुने छ । सो रिपोको अवधि आगामी फागुन २ गतेसम्मका लागि हुनेछ ।
प्रकाशित मिति : २४ माघ २०७५, बिहीबार ०९:१६
