एकैदिन १४ सयले घट्यो सुनको मूल्य, आज कतिमा हुँदैछ काराेबार ?

२० माघ, काठमाडाैं । साताकाे अन्तिम काराेबारकाे दिन शुक्रबार नेपाली बजारमा सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार आज  सुनकाे मूल्य प्रतिताेला १४ सय रूपियाँले घटेकाे हाे । अघिल्लो कारोबार दिन अर्थात् बिहीबार प्रतितोला १२ सय रुपैयाँ बढेर नयाँ रेकर्ड कायम गरेकाे सुनको मूल्य आज भने घट्न पुगेकाे हाे । यस दिन  छापावाल सुन प्रतितोला १ लाख ६ हजार १ सय रुपैयाँ र तेजाबी सुन प्रतितोला १ लाख ५ हजार ६ सय रुपैयाँमा कारोबार भइरहेको छ।

बिहीबार छापावाल सुन प्रतितोला १ लाख ७ हजार ५ सय रुपैयाँ र तेजाबी सुन प्रतितोला १ लाख ७ हजार रुपैयाँमा कारोबार भएको थियो। शुक्रबार चाँदीको मूल्य पनि प्रतितोला ३० रुपैयाँले घटेर १३ सय ६५ रुपैयाँमा कारोबार भइरहेको छ। बिहीबार चाँदी प्रतितोला १३ सय ९५ रुपैयाँमा कारोबार भएको थियो।