एनआईसी एशिया बैंकले ल्यायो ३ कम्पनीको सेयर लिलामीमा, कुनको मूल्य कति ?

१९ साउन, काठमाडौँ । एनआईसी एशिया बैंक लिमिटेडले आफ्नाे स्वामित्वमा रहेको ३ वटा कम्पनीकाे संस्थापक समूहकाे सेयर आज (साउन १९ गते, मंगलबार) बाट लिलाम बढाबढ गरी बिक्री खुल्ला गरेकाे छ । बैंकले ३ कम्पनीको ७ लाख ४९ हजार ९७३ कित्ता सेयर बिक्री खुला गरेको हो ।

बैंकले मेरो माइक्रोफाइनान्सको ८९ हजार ४३९ कित्ता, आरएमडीसी लघुवित्त वित्तीय संस्था लिमिटेडको ३ लाख १० हजार १६५ कित्ता र नागरिक लगानी कोषको ३ लाख ५० हजार ३६९ कित्ता संस्थापक सेयर लिलामीमा बिक्री खुला गरेको हो ।

बैंकले बिक्रीमा ल्याएको संस्थापक सेयरतर्फको मेरो माइक्रोफाइनान्स लघुवित्त वित्तीय संस्था लिमिटेड प्रतिकित्ता मूल्य ५९५ रुपैयाँ, आरएमडीसी लघुवित्त वित्तीय संस्था लिमिटेड प्रतिकित्ता मूल्य ५०६ रुपैयाँ र नागरिक लगानी कोष प्रतिकित्ता मूल्य १४३६ रुपैयाँ तोकिएको छ ।

लगानीकर्ताले साउन २९ गतेसम्म बोलपत्र पेश गर्नुपर्नेछ । लगानीकर्ताले उक्त सेयरमा न्युनतम १ सय कित्ता र अधिकतममा १० ले भाग जाने गरि सबै कित्ताको लागि आवेदन दिन सक्नेछन् । कम्पनीको निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ । लगानीकर्ताहरुले एनआईसी एशिया क्यापिटल लिमिटेड, बबरमहल, काठमाडौं तथा एनआईसी एशिया बैंक लमिटेडको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सक्नेछन् ।