अल्कोहलको तलतल मेटाउन स्यानिटाइजर सेवन गर्दा ९ जनाको मृत्यु
१७ साउन, काठमाडाैँ । रक्सीको तलतल मेटाउन भारतमा स्यानिटाइजर सेवन गर्दा ९ जनाको मृत्यु भएको छ। आन्ध्र प्रदेशको प्रकाशम जिल्लाको शान्तिशेरमा क्सीको तलतल मेटाउन स्यानिटाइजर सेवन गर्दा ९ जना मृत्यु भएको हो। केही दिनदेखि उनीहरूले पानी र चिसो पेय पदार्थ स्यानिटाइजर मिलाएर सेवन गरिरहेका थिए।
प्रहरीका अनुसार उनीहरूले १० दिनदेखि स्यानिटाइजर सेवन गरिरहेका थिए। त्यस क्षेत्रमा कोरोनाका कारण हाल लकडाउन छ। केही दिनदेखि अल्कोहल पाइने सबै पसल बन्द रहेका छन् । अल्कोहल नियमित सेवन गर्ने बानी भएकोले उनिहरूले स्यानिटाइजर सेवन गरेकाे हुनसक्ने र त्यसको अनुसन्धान गरीरहेको प्रहरी अधिकारीले जानकारी दिएका छन्।
प्रकाशित मिति : १७ श्रावण २०७७, शनिबार १५:४०