१५ बैशाख २०८१, शनिबार | Sat Apr 27 2024

रड प्रयोग गरी अामाको हत्या गर्ने दास प्रहरी नियन्त्रणामा


११ फागुन, सिरहा । सिरहाको लक्ष्मीपुरमा फलामको रड प्रयोग गरी छोराले अामाको हत्या गरेका छन । घरायसी विवादमा २८ वर्षीय राम दास तत्माले आफ्नै आमा र १६ वर्षीया बहिनी सुनिताकुमारी दासलाई गत बुधबार फलामे रड प्रहार गर्दा दुवै आमा छोरी गम्भीर घाइते भएका थिए ।  आमा ४५ वर्षीय ज्ञानदेवी दासको गएराति उपचारको क्रममा मृत्यु भएको छ ।

रड प्रहारबाट टाउकोमा गम्भीर चोट लागेर घाइते भएकी आमा ज्ञानदेवीको विराटनगरस्थित नोबेल अस्पतालमा उपचारको क्रममा गएराति मृत्यु भएको इलाका प्रहरी कार्यालय, लक्ष्मीपुर पतारीले जनाएको छ ।

सोही रड प्रहारबाट गम्भीर घाइते भएकी सुनिता दासको विराटनगरस्थित नोबेल अस्पतालमै उपचार भइरहेको प्रहरीले जनाएको छ । आमा र बहिनीमाथि रड प्रहार गर्ने राम दासलाई पक्राउ गरी घटनाको थप अनुसन्धान भइरहेको प्रहरीले बताएको छ ।

प्रकाशित मिति : ११ फाल्गुन २०७४, शुक्रबार ११:४२