जापानी भाषा परीक्षामा सबैभन्दा कमजोर नेपाली
२४ मंसिर, काठमाडौं । नेपाली युवालाई रोजगारीको अवसर दिन जापान फाउन्डेसनले लिएको भाषा परीक्षामा नेपालको नतिजा सहभागी ५ राष्ट्रमध्ये सबैभन्दा कमजोर देखिएको छ । गत कात्तिकमा लिइएको आधारभूत जापानी भाषा परीक्षामा एकै समूहमा परीक्षा दिएका मंगोलिया, इन्डोनेसिया, कम्बोडिया र फिलिपिन्सपछि सबभन्दा कमजोर नतिजा नेपालको देखिए खबर कारोबार दैनिकमा छ ।
जापान फाउन्डेसनले प्रकाशित गरेको नतिजा तालिकामा नेपालबाट ४ सय ९७ जनाले परीक्षा दिएकोमा ५६ जना मात्र उत्तीर्ण भएका थिए । उक्त नतिजाअनुसार सबैभन्दा बढी मंगोलियाबाट ६१ प्रतिशत र नेपालबाट ११ प्रतिशतमात्र उत्तीर्ण भएका थिए ।
तर, स्ट्यान्डर्ड डेभिएसनमा भने नेपाल तेस्रो भएको परीक्षाको व्यवस्थापन गर्दै आएको जापान फाउन्डेसनले जानएको छ ।
प्रकाशित मिति : २४ मंसिर २०७६, मंगलवार ०८:०१
