एक अर्कालार्इ अंगालोमा कस्नेहरु रुन्छन (गजल)
–तुलसी न्याैपाने
एक दिन पक्कै पिरतिमा फस्नेहरु रुन्छन
एक अर्कालार्इ अंगालोमा कस्नेहरु रुन्छन ।
सबै कुरा गुमाए जोगि बनि हिड्छु भन्दै
त्यागी बनि खरानी घस्नेहरु रुन्छन ।
यो तनावनगरी सहरबाट मुक्ति पाउ भन्दै
एकान्त छहारिमा बस्नेहरु रुन्छन ।
उन्कै लागी मोतिदाना खोजी ल्याउछु भन्दै
समुन्द्रकै गहिराई भित्र पस्नेहरु रुन्छन ।
बग्या खोला फर्कदैन भन्ने कुरा जन्दाजान्दै
आफ्नो भाग्य आफैले मस्नेहरु रुन्छन
एकदिन पक्कै पिरतिमा फस्नेहरु रुन्छन
एक अर्कालाइ अङ्गालोमा कस्नेहरु रुन्छन ।।
प्रकाशित मिति : १८ चैत्र २०७४, आईतवार १४:४०
