ग्रीनलाइफ हाइड्रोपावरको आइपीओ माघ २२ देखि बिक्री खुला हुँदै
१५ माघ, काठमाडौं । ग्रीनलाइफ हाइड्रोपावरको आइपीओ माघ २२ गतेदेखि बिक्री खुला हुने भएको छ । कम्पनीले आयोजना प्रभावित क्षेत्रका लागि १८ लाख कित्ता प्राथमिक सेयर निष्काशन गर्न लागेको हो । आवेदन फागुन ७ गतेसम्मका लागि खुला रहनेछ । सो समयमा पर्याप्त आवेदन नपरेको अवस्थामा भने फागुन २७ गतेसम्म आवेदन समय थप हुनेछ ।
कम्पनीले प्रभावित क्षेत्रको सेयरको लागि तीन वर्षको लकिङ पिरियड तोकेको छ । यो भनेको सेयर बाँडफाँट पछि तीनवर्षसम्म सो सेयर लगानीकर्ताले बिक्रि गर्न पाउने छैनन् ।
यस आइपिओको लागि हाइड्रोपावरको आयोजनास्थल, सेञ्चुरी कमर्सियल बैंकको शाखा कार्यालयहरु ( सिंगटी, चरिकोट, जिरी, बैतेश्वर)बाट आवेदन दिन सकिनेछ । न्युनतम २० कित्तादेखि अधिकतम ९ हजार कित्तासम्मको लागि आवेदन दिन सकिनेछ । कम्पनीले दोलखामा ४० मेगावाट क्षमताको खानीखोला एक जलविद्युत आयोजना निर्माण गरिरहेको छ ।
प्रकाशित मिति : १५ माघ २०७५, मंगलवार १५:०३
