केटी साथीलार्इ जानकारी दिएर अमेरिकामा रहेका गणेश तिवारीले झुण्डिएर अात्महत्या गरे
१७ मंसिर, काठमाडाैँ । साथीलार्इ जानकारी दिएर एक जना नेपालीले अमेरिकामा अात्महत्या गरेका छन । फोनमा कुरा गर्दागर्दै अवलपरासीका गणेश तिवारीले अमेरिकाको क्यालिफोर्नियामा पासो लगाएर आत्महत्या गरेका हुन । सन्नीभेल सहरमा बस्दै गरेका २४ बर्षीय गणेश तिवारीले विहीबार आत्महत्या गरेका हुन् ।
आत्महत्या गर्नुअघि तिवारीले नजिकै बस्ने अर्की एक साथीलाई भिडियो कल गर्दै आत्महत्या गर्न लागेको बताएका थिए । परीक्षा दिन तयार रहेकी ती साथीले जिस्किएको ठानिन् । तैपनि अर्का एक साथीलाई तिवारी बस्ने घरमा पठाएकी थिईन् । ठट्टा सोच्दासोच्दै सत्य भयो । उनका साथीले भने ।
तिवारी हाईल्यान्डर अपार्टमेन्टमा दुईजना साथीसँग बस्दै आएका थिए । ती साथीहरुका अनुसार अरु बेला पनि उनी आत्महत्या गर्ने कुरा गरिरहन्थे । अमेरिका आएपछि पहिला पनि कोसिस गरेँ, तर सकिँन भन्थ्यो, उनका एक साथीले भने, जे कुरा गर्दा पनि एकदम उत्साहित हुन्थ्यो, जसले जे गरम् भने पनि ल गरमगरम भन्थ्यो ।
प्रकाशित मिति : १७ मंसिर २०७५, सोमबार ०९:४९
