एडिलेड । ब्रदर्श युनाईटेड फुटवल क्लब(बियुएफसी) एडिलेडले खेलाडीहरुको सम्मान साझ सम्पन्न गरेको छ ।
सम्मान कार्यक्रममा क्लबले बर्ष २०२२मा क्लबका तर्फबाट खेलीएका विभिन्न वाह्य खेलहरु र आन्तरिक खेलहरुमा गरेको प्रदर्शनकोआधारमा खेलाडीहरुलाई सम्मान गरेको क्लवका सचिव उमेश बुढाथोकीले बताए ।
एडिलेडमा आयोजित सम्मान साझमा बर्ष खेलाडीका रुपमा सुरज राउतलाई सम्मान गरिएको थियो । राउतलाई ट्रफी सहित अष्ट्रेलियनडलर एक सहितले सम्मान गरिएको थियो ।यसै गरि उत्कृष्ट डिफेन्डर – उर्गेन लामा र ज्ञानेन्द्र तामाङ, उत्कृष्ट मिडफिल्डर–नबिन पुन, उत्कृष्ट स्ट्राइकर – मनिष न्यौपाने र आशिष खड्का भएका थिए । भने इमर्जिङ प्लेयर अफ द इयर – सिद्धान्त कार्की, प्लेयर च्वाईस अवार्ड – अमन मोक्तान, भेट्रान प्लेयर अफ द इयर – मनोज बडु, मोस्ट भ्यालुएबल प्लेर – सज्जनकेसीलाई प्रदान गरिएको थियो ।
कार्यक्रममा उत्कृष्ट प्रशिक्षकको सम्मान प्रशिक्षक अनुज घलेलाई प्रदान गरिएको थियो ।२०२२ का सर्वाधिक गोलकर्ता – सुरज राउत, आन्तरिक कप विजेता– टीम नीलो समुराई, आन्तरिक कपमा सर्वाधिक गोलकर्ता सुरज राउत र उत्कृष्ट गोलकिपर – इराज सिटौला भएका थिए ।
सचिव बुढाथोकीले खेलाडीहरुको सम्मानले खेलाडीहरुमा प्रोत्साहन हुने र आगामी दिनका खेलहरु क्लवले अझै राम्रो प्रदर्शन गर्नेविश्वास व्यक्त गरे । कार्यक्रम क्लवका अध्यक्ष बिकास महर्जनको अध्यक्षतामा भएको थियो ।
प्रकाशित मिति : ८ जेष्ठ २०८०, सोमबार १७:३८
