जन्मघर नै छोड्ने पार्यो १५ हजारले (कविता)
–सन्तोष भट्टरार्इ
जन्मघर नै छोड्ने पार्यो, १५ हजारले
आमाको काख तोड्ने पार्यो, १५ हजारले !
श्रीमतीको अपार माया, छोरिहरुको हसाई
मीठो सपना मोड्ने पार्यो, १५ हजारले !
डर पनि मान्नु पर्छ, कहिले गाली खानु पर्छ
दुनियाँ लाई गोड्ने पार्यो, १५ हजारले !
धर्म अनि सस्कृती लाई, बिर्सने पो भैयो
खेत लाई बाझै छोड्ने पार्यो, १५ हजारले !
यहि पनि कहिले सम्म, भन्ने टुङ्गो छैन
यो जीवनलाई घोट्ने पार्यो, १५ हजारले !
प्रकाशित मिति : २४ फाल्गुन २०७४, बिहीबार १९:११
