५० अंकले घट्यो शेयर बजार, साढे ९ अर्बको कारोबार
१७ भदाै, काठमाडौँ । नेप्से भारि अंकले घटेको छ । सेयर धितो कर्जामा राष्ट्र बैंकले कडाई गरेपछि नेप्से निरन्तर ओरालो लाग्दै आएको छ । नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ५०.१३ अंकले घटेर २९२६.८९ विन्दुमा पुगेकाे छ । नेप्से १.७८ प्रतिशतले घटेकाे हो । यस्तै, सेन्सेटिभ परिसूचक पनि ८.९० अंकले घटेर ५४१.७७ विन्दुमा झरेकाे छ ।
बिहीबार २३० कम्पनीको १ करोड ८१ लाख ९ हजार कित्ता सेयर १ लाख ५ हजार पटक किनबेच हुँदा ९ अर्ब ५० करोड ५९ लाख ७० हजार रुपैयाँ बराबरको कारोबार भएको नेप्सेले जनाएको छ ।
बिहीबार नेप्सेमा सबै समूहमा राताम्य छाएको छ । बिहीबार सबैभन्दा धेरै अरुण भ्याली हाइड्रोपावर कम्पनीको ५७ करोड ४० लाख रुपैयाँको कारोबार भएको छ । अपि पावर कम्पनीको ३२ करोड ९९ लाख रुपैयाँको शेयर कारोबार भएएको छ ।
ङादी ग्रुप पावर कम्पनीको २३ करोड ३१ लाख रुपैयाँको शेयर कारोबार भएको छ । यूनाइटेड मोदी हाइड्रोपावर कम्पनीको २२ करोड २० लाख रुपैयाँको शेयर कारोबार भएको छ । हिमालयन डिस्टीलरीको २० करोड १० लाख रुपैयाँको शेयर कारोबार भएको छ ।
सबैभन्दा धेरै सानिमा लाइफ इन्स्योरेन्स कम्पनीका लगानीकर्ताले १० प्रतिशत, मनकामना स्मार्ट लघुवित्तका लगानीकर्ताले ९.९९ प्रतिशत, चन्द्रागिरी हिल्सका लगानीकर्ताले ५.२३ प्रतिशतका दरले कमाएका छन् । सबैभन्दा धेरै नारायणी डेभलपमेन्ट बैंकका लगानीकर्ताले ६.८७ प्रतिशतका दरले गुमाएका छन् ।
प्रकाशित मिति : १७ भाद्र २०७८, बिहीबार १५:४०
