दैनिकी

  • ९ बैशाख २०७८, बिहीबार १९:३४

माओवादी युद्ध र विद्रोहको कथा समेटिएको अंग्रेजी उपन्यास ‘दि गोस्ट्स इन द हिल्स’ बजारमा

९ वैशाख, काठमाडाैँ । माओवादी युद्ध र विद्रोहको कथा समेटिएको अंग्रेजी उपन्यास ‘दि गोस्ट्स इन द हिल्स’ बजारमा उपलब्ध भएको छ । माओवादी सशस्त्र द्वन्द्व तथा दलित बालिकाको साहसिक यात्राको वर्णन गरिएको पहिलो अंग्रेजी उपन्यास मानव अधिकारकर्मी डा. कृष्ण उपाध्यायले लेख्नुभएको हो ।

नेपालको माओवादी आन्दोलनको सन्दर्भसंग जोड्दै ‘दि गोस्ट्स इन द हिल्स’ ( The GHOSTS in the HILLS ) नामक उपन्यास प्रकाशित गरेको लेखक न्याैपानेले जानकारी दिनुभएको छ । उक्त पुस्तकको किण्डल संस्करण र पुस्तक अमाजन मार्फत बजारमा उपलब्ध भएको उहाँले बताउनुभयो । एकजना दलित बालिकाको साहसिक यात्राको वर्णन गरिएको उक्त उपन्यास नेपाली ग्रामिण समाजमा द्वन्द्व कसरी शुरु भएको थियो भन्ने कथामा आधारित छ।

दाङ्गको थारु समाजबाट शुरु भएको कथामा जानकी नाम गरेकी बालिकाको रोचक यात्राका साथै युद्ध र विद्रोहको कथा समेटिएको छ । “राज्य विरुद्ध सशस्त्र युद्धमा होमिएकी ती बालिकाको युद्धका मर्म बिर्सनेहरु विरुद्ध नै अर्को विद्रोहको कथा पनि हो यो,” उपन्यासकार उपाध्यायले भने। नेपालको माओवादी सशस्त्र द्वन्द्वको बारेमा लेखिएको उक्त पहिलो अंग्रेजी उपन्यासमा उपाध्यायले गहिरो संग नेपाली समाजमा कायम विभेद र अत्याचारको चित्रण गरेका छन् भने कतिपय विभेद विरुद्धको लडाईं निकै पेचिलो र अप्ठ्यारो भएको तथ्यलाई पनि उजागर गर्नुभएको छ ।

उपन्यास किन् यस लिंकमा क्लिक गर्न सक्नुहुन्छ । 

प्रकाशित मिति: ९ बैशाख २०७८, बिहीबार १९:३४