ककनीमा पूर्व एमालेका दुई व्यक्ति बाहेक सबै नेता कार्यकर्ता मुलधारको नेकपामा
२ माघ, काठमाडाैँ । नुवाकोटको ककनी गाउँपालिकामा नेपाल कम्युनिस्ट पार्टी (नेकपा)का नेता कार्यकर्ताले प्रधानमन्त्री एवं पार्टी अध्यक्ष केपी शर्मा ओलीको पक्षमा उभिएको बताएका छन । शुक्रबार गाउँपालिकाको केन्द्र रानीपाैवा भएको गाउँपालिकाको विस्तरित बैठकमा दुई व्यक्ति बाहेक नेकपाका सबै नेता र कार्यकर्ता मुलधारको नेकपाको पक्षमा खुले ।
जितबहादुर बलामी र अच्युत पाण्डे दुई जना स्थानीय नेताबाहेक सबै मुलधारको पार्टीमा क्रियाशिल बनेका छन । गाउँपालिकाको नेतृत्व र फरक गुटका नेताले चेतावनी र धम्कीका बीच नेता कार्यकर्ता उत्साहित रूपमा मुलधारमा उभिएका हुन ।
शुक्रबारको विस्तारित बैठकले ७५ सदस्यीय कमिटीलाई १८१ सदस्यीय कमिटी बनाएको छ । बैठकले ९० जनालाई गाउँपालिका पार्टी कमिटीमा मनोनित गरेको छ । यस्तै १६ जनालाई पुन मनोनयन गर्ने निर्णय गरेको छ । ८ वटै वडाको वडा संयोजक र सचिवलाई वडा कमिटी बनाउने गरी जिम्मेवारी तोकिएको छ ।
यस्तै १०१ जना सदस्य रहने गरी यूवा संघ नेपाल ककनी गाउँपालिका कमिटी गठन गर्न बिनोद लामालाई संयोजक र जितबहादुर बलामीलाई सह संयोजकको जिम्मेवारी दिईएको छ । वडा कमिटी कम्तीमा ३१ जना र बढिमा १०१ जना सम्मको बनाउने निर्णय गरिएको छ । पुर्व एमाले बाट जितबहादुर बलामी र वडा नं ७ का वडा अध्यक्ष बाहेक सबैको उपस्थिति रहेको छ । बैठकमा झण्डै पाँच सय जना उपस्थित रहेका थिए ।
प्रकाशित मिति : २ माघ २०७७, शुक्रबार २२:०६