१५ चैत्र २०८०, बिहीबार | Fri Mar 29 2024

ससुराली गएको बेला ३० वर्षीय दीपेन्द्र मण्डलकाे कुटिएर मृत्यु


 

३० जेठ,राजविराज । राजविराज नगरपालिका–९ स्थित मलेठमा कुटपिटबाट एक व्यक्तिको मृत्यु भएको छ ।मृत्यु हुने हनुमाननगर कंकालनी नगरपालिका–९ बस्ने ३० वर्षीय दीपेन्द्र मण्डल हुन् । सप्तरीका प्रहरी नायब उपरीक्षक भोवेश रिमालका अनुसार अत्यधिक मदिरा सेवन गरेका मण्डलको राजविराज नगरपालिका–९ स्थित ससुराली गएको बेला विवाद भएर हात हालाहाल हँुदा मृत्यु भएको हो ।

मण्डललाई कसले, किन हत्या गरेकोे भन्ने खुल्न सकेको छैन । मृतकको शव परीक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पतालमा राखिएको छ ।यसैबीच कुटपिटमा संलग्न रहेको आरोपमा तीन जनालाई प्रहरीले पक्राउ गरेको छ ।

प्रकाशित मिति : ३० जेष्ठ २०७५, बुधबार १८:१७